مـــــرت سنيـــــن على ابــــطــــــآلــــنـــآ ..بعـــضهم عـــــــآنو من الصدمـــآآآت ...
وبعضــــهم عااانوو من الظلـــم والحـــرمــــآآن ..و بعضـــهم عـــآنو من الجـــــوووع والـــفقـــر
هــــل ستتوقــــف معـــآنـــآتهم هنـــآ
ام ستســتمـــر وتــــزيــــد ..؟
قــــــبــــــــال الشـــــبـــابيــــك القـــــــزازيه الطـــــويله والمــــطله علــــى ســــــاحه القــــــصر . متــــمــــددين علـــى الكـــــرااســــي الحـــمرا الي تحـــسسك انـــك في سرير . عــــــــليها تـــــطريــــــــز هـــــندي رايـــــــــق يـــــعــــكس النــــــعومــــــــه والفـــــــخامــــــــــه ..وصــــــــــوت الموسيـــــقي الهـــــــنديه الهادئه يســــاعد علي الاسترخاء
ابتســمت بكل خبث وهيا تطالع في صحبتــها :بكيــفك
جلست بحمــآس : ألين افهميني
الين منسدحــه عل كنبه ومغمضـــه عيـــنهاا وقالت وهيا تحسم الموضوع : شادن قلت بكيفك
شادن : طيب شوفي انا حخرج الييوم معااه ولو الولد يحبني طلعع من جد حعطيكي إللي تبيــــه
الين : ايش مسلا ؟
شادن : امممممم الفستان إللي صمملي هوا زهير مراد
الين : الجديد ؟
شادن : ايوا
اليـــن ماقتنعت : نوو شي تاني
شادن : سيارتي لمده سنه
الين دام الشغله فيهاا شي كبيــر كداا على طوول جلســت : طيب السياره والفســتآن
شادن وهيا عارفه انو الولد يمووت فيييها قالت بثقـــه : دييل ؟_ مدت يدها _
الين بحقااره مدت يدها وهيا ناويه نيييييه مره بااد : ديييل ..لدي الدرجه تحبيييه ؟
شادن قالت بحب :امووت فييه وهوا كماان ... كدااا عارفه إنو ماحتاخدي لا الفستان ولا السياره بس اييوا ايش انا حاخد لو فزت عليكي
اليين : اللي تبيـــه
شادن : اممم ابى اكسسوارات امك إللي مصممتها لكي
الين : ايت واحد ؟
شادن : كلها الجديده
الين : قلتيها جديده يعني
شادن قاطعتها : دا إتفاقنا
الين بثقه : من عييوني
شادن مسكت شعرها : اممم بروح اقصوو واصبغو اباهـ اسود وابى اغير لووكي كللو وبعدين حروح اقابلوو وحسجلك صوتوو وهوا يهرج معاايا ودايب فييا
الين : اوك نششوف بس فين حتروحو
شادن : اول شي حروح لبيتو لأنو بيوريني رسمه ماحنطول خمسه دقايق وبعدها قلي سبرايز مايبى يقولي فيين
اليـــن ابتسمتلــهاا : اممم هاف فن
شادن وقفت وهيـــآ لابســـه الجيــــنز مخــصر على جسمهاا وتيشيرت نـــآعـــم صبااحي :اي ويل ..اشوفك في الليل
الين اشرتلها بيدها : اوكـ باي
شادن خـــرجت ..وهنا اليين ابتسمت واخدت جوالها على طــــول ..واتصلت على وحده تعرفها تسوي اي شي عششان الفلــوس : ميماا ..ابى خدمه منـــك .._ ضحكت بخبث _
لا دي غيــر ..شوفي بعطيكي عنوان واحد واباكي تدخلي عندو وتسوي إللي تبيـــه اهم شي الساعه 7 لما يدق جرس البيت تكوني انتي وهوا في وضع مره باد اوك .. امممم ولو مارضى يدخلك
_ فكرت ومافي شي براسها في دي اللحظه _ حعطيكي إللي تبيه بس خليه يدخلك البيت .. اوك بيباي
قفـــلت وهيا تضـــحك على شـــآدن ماهمتها تجــرح مشاعرها ولا لأ .. دام الهــرجه تحـــدي حتوريـــها ميــــن اليـــن ..
امـــــآآ شـــآدن بعـــد العشـــآ .. اتجهـــزت ولبـــست فســـتــآنها الأسود القصيـــر.. وركبت سيـــآرتها وقالتلو يتــوجه لبيــت " حبيبهاا "
طول الطــريق تتـــصــل عليـــه مــآيرد بس ماعــطت للموضوع اهميــــه ..حطت جوالها في الشنطـــه الصــغيرهـ ...وقفت سيارتها قبال بيــتو
نزلت من السياره ..واتــوجهت لبيـــته قبل لاتـــدق البــآب..عدلت شعـــرها وفستــآنها القصيـــر " مايلبــسو عبي ".زفرت بتوتـــر
مدت يدها للجــرس بس انتبــهت للباب مفتــوح " ودي اول نقـــطه الين قالتهاا لميما تســـويهاا سيبي الباب مفتـــوح" عقدت حوآجبـــها شـــآدن
وفتــحت الباب تعرفــو موسوس من جهه الــأمـــآن لايمكن يسيـــب بـــــــآبــــه مفتــــوح...فتحت البـــآب ودخلــت بخطوات شبه وااثقه من اللي بتســـويه
شهقت وحطت يدها على فمـــهاا لما شافتــــو وآقـــــف ومـــآسك بنـــت بطريـــقه اشمئزازيــــه كآنت لابســـه شي بسييط يغطي جسمها
دف البنت على طوول لما شاف شادن : شادن حياااتي
شادن دمــوعها قريبـــه لعيــنها نــــزلت على طوول : ساممر
سامر يمسسسح اثار الرووج إللي على فموو: لاتفهميني غـــلط
شادن إللي شافتــــه يكفـــي خـــرجت على طووول من البيـــت وهوا لحقــــها : شاااادن اصببببببريييي
دخــلت سيارتها وقالــتلو يمشي ..وسامر يحاول يفتح الباب بس مقفلل دق على قزاز السياره ويبى يشرررحللهااا ..بس مشيييت السيــــآرهـ
رفع شعرهـ بتوتر وهوا يطالع في السيـــآرهـ لين ماختفت عـــــــــن عيـــنـــه ..
اما هيـــآ منـــــــــهااارهـ في السيــــآرهـ ..قالتلها اليـــن في دي الأيااام مافي حـــــــب وقالتهاا رودينــآ الشي الوحيد اللي يحسسك انك غبيه الحب
نصحـــوهاا وهيــآ في راسها انوو الحــــب شي حــــللللو وماحد يقدر يعـــيش بدونـــو
في آحـــــد الـــقصوور ... اصوووات ضحكــــــآتهم ماليه المكــآن واققفين الثنتين قبـــآل بــعض وفي اياديـــهم كااســـة العصيـــر
روديناا : إيييوا وبعدين
الين شربت من الكااسه : ولاشي بتقولي ميما إنها بكيت وخرجت
رودينا جلست على سريرهـــآ: ههههههههههههههه هبله دي شااادن تستااااهل إللي يجيها
الين : المشكله كم مره بقولها لاتتحديني بس بكيفهاا
رودينا : مو على التحدي انا قصدي هبلله باإنهاا مهما انقرصت وخانوها ماتوب
الين : بكيفها مصيرها تعرف
رودينا رجعت تضحك : بس حلوه الحركه إللي سوييتيها
الين جلست على الكنبه ورسمت على وجهها ابتسسامه خبث : اعجـــبك ..اووف ليين دحين ماردولي خبـــر على عرض الأزيياء
رودينــآ : مو الييوم قالولك حيردولك
الين : اييوا بس محد اتصصل مع إنو مااما قالتلي حتزبط الوضــع الفلوس تمشي
روديناا : اهااا
الين : وانتي ؟
رودينا : ولا انا محد كلمني
الين حطت الكاسه على الطاوله : بروح اغسسل يدي
رودينــآ :طيب
خـــرجــت اليـــن من الــغرفـــه ..ووقــتها دق جوال اليـــن .. روديــنا قامت وردت على جوالها : الين ؟
رودينا باإستغراب : ايوا مين ؟
: احنا اخترنــآكي في عرض الأزيياء للمصمم ****** و ياريت بكرا تجي
رودينا قاطعتها : وصحبتي رودينا ايش سويتو معاها ؟
قالت باإستغراب: مو إنتي قلتيلي انها بطلت وماتبى ؟
رودينا اتفاجئت بس تتوقع من الين اي شي لكن مو عليهاا هيا احقــر منهاا : اهااا ايوا انا قلت كداا بس معليش في شي سااير انا بطلت وروديــينا حتــآخد مكــآني
: بس امك ق
رودينا قاطعتها بصرامه : قلت رودينا حتاخد مكاني
الحرمه باإستسلام : إللي تشوفيـــه .
رودينا : اوك باي _ قفلت في وجهها ومسحت الرقم وحطت الجوال على الطاوله ورجعت جلست بكل هدووء على الكـــرسي وكأنها ماســوت شي مسكت شعرها وجمعتو كلو على اليمين _
في دي اللحظـــه اليــن دخلـــت الغـــرفـــه ... وروديـــنــآ ابتسمتــلهاا : ايش بك اتأخرتي
الين : عجبتني اللوحه إإللي حاطينها قدام غرفة اياد
رودينا : اياد مره عاجبتو ماحبيتــها
اليــن : بخصوص اخوكي داا اياد مايفكر يرجــع دبي
رودينــآ : بكرا راجــع
الين بتفاجئ : بلله !
رودينا : اييوا
الين : وايش الحووسه حــقو دي
رودينــآ : اصحابو كلهم بــجده وعاجبو الوضع هنــآك
الين : كم لو دحين في جده ؟
رودينا بتفكيــر : هوا راح وعمره 19_ سكتت وهيا تعد _7 سنوات
الين : مره كتتير اصلا ناسيه شكلو
رودينا : انا اختو ومن زمان ماشوفو وحتى لو جا دبي مايقولنا ينبسط ويرجع يسافر
الين بتردد : هوا لــيــش سافر ؟
رودينا سكتت للحظــآت وهيا تتذكر ايش ساار وبعدها طيرت الذكريات كلها من راااسها : كدا
اليـــن : اها _ اخدت جوالها _ محد اتصل لدحيين بلاااااا
رودينا رفعت حآجبها : ماعليكي منــهم
الين : انتي ماتفهمي لو قبلوني هناااك وكم فلس اعطيهم زياااده تكتيين واسير _ قالت بحالميـــه _ مشهوورهـ _ كشرت لما اتذكرت _ بس يزن القلق هناااك
رودينا انفجعت : بلله !
الين كشرت : وصورو في المجلات إن شالله ليش
رودينا : لا بس مدري انو
اقاطعتـــهم شـــآدن وهيا داخله الغرفه وكحلهاا كلو على خدهاا سااايل .. اليين انفجعت وسوت نفسها مو فاهمه : ايش بك ياحيااتي
شادن رمت نفسها في حضن صحبتها : حقييير يااأليين اكررررهووو
الين تطبطب على ظهرها ونظراتهاا على رودينا ومبتسمــه بس صوتهاا كلو حنيـــه : ماعليكي منوو هوا الخسررران
رودينا كتمت ضحكتها وقامت لشااادن : شاادن حيااتي لاتبكي وبعدين كم مره اقوولك لاتثقي في الشباب
شادن بعدت عن حضــن الين وهيا تمسسح دموعها : انا اصلا غلطاانه لما ماسمعت كلامكم
رودينا : لا ياشيدو لاتقولي كدااا اهم شي اتعلمتي وبسس
الييين مسويه نفسها متأثره معاها : ماعليكي انا حطلعلو عينو بس اصبري علييا
شادن : لا ماهمني اصلا مابى شي منــو خليه ينحرق وتفيدوو ديك اللي معاه
إللي يشــوفـــهم يـــقول عنـــهم اعـــز صحـــبـــآب ...كل وحـــدهـ تستنذل في التـــآنيــــه ... لكن لو احد غريب غلط على وحدهـ فيــــهم
هنــــآ حتشوفــوهم واقفيـــن في صـــف واحـــــد .....
♀♂
خـــــــــصلات شـــــعــــــروو متــــناثـــــــرهـ علـــى وجـــهــــو ومـــــعــطيــتو مــــنظرر بـــريـــئ بـــعيد كــــل البعـــد عن حقـــيقــــتوو ..
عـــــــــــيونو مــغـــمــــضه ومــســــتسلم لنــــوم بكــــل راحـــــــــه وضـــــــايع وســـــط الخـــداديــــــــات البـــــيضه والــــــرمــــــــاديه في الســــــرررير الكبيـــــرر
انـــفتــــح باب الغـــرفـــه بكـــل عصــــبـــيـــه ..دخل وهوا ساااند جســـمو على العصاااياا إللي بيـــدو وورآآهـ الخـآدمـــه تمشــــي
نااادى بعصبيــــه : يززززززن ...يزززززن _ اشر للخــآدمه _ افتتتحي الســـتــــآيــر
الخــآدمــه اتوجهت على طوول للستـــآيــر وفتحتهاا وجـــآت اشعـــه الشمس على وجــهه وكششـــر باإنــزعــــــــآج : يزززن
يزن حط يده على عينــه وقال بصووت كلو نااايم :هااا
سيـــدو رمى المجـــله على وجهه : دي آخر اعلانـــآتك
يزن جلللس وسند جســمو على السسرير مسسك المجله باإستغراب شاف الغلاف : ايش في طيب ؟
سيدوو : مافييها شي يعني ؟
يزن فرك عينـــه : لا اعلان عطـــر مافيها شي
سيدوو بعصبيــه : ولما يكون اعلان عطرر دي العريانه إللي واقفه جممبك إيش لهاا في الصووره هااا
يزن ضحك غصبا عنو : سيدو فين بللهي عريانه _ رفع المجله _ لابسسه هااا
سيدوو رفع العصاايه وضــرب يززن على رجـــلو : دي عريااانه عننندي
يزن رمى المجله على السرير..و سلك لسيدو : طيب المره التانيه حقولهم يلبسوها شي حشمه اكتر
سيدو : المره التانيه ماتتصور مع بناات فاااهم
يزن : سيدوو ريلاكس مو لدي الدرجه تقلب
سيدوو : انا كداا حتسمع كلامي ولا اخرج برا البيت
يزن : بتزلنا على العيشه معاك ولا كيف
سيدوو : قلت اعلانات زي كداا مــآبى اشووفلك
يزن بتافف : اصبحناواصبح الملك لله
سيدوو باأمر : الفطور بعد نص سااعه قووم
يزن (( يااااااااااااه على الصباااااح المقررف دااا )) ..خـــرج سيــــدو من الــــغـــرفــــــــه وهوا انـــســـدح على السرير
افتــكر الفطووور وقال بتعـــب :خلااااص والله عزاااااب
قوآنيـــــــن سيـــدو ماااشيــــه عليـــهم ..وقـــت الفطور يقومهم من عز نـــومهم عشان يفـــطروو
ودا الشي معـــذبـــهم بـــذات لأنــــه يـــرجعو البيت في اوقات متأخره بعـــد سهراااتهم ومساااختـــهم ...لكـــــن مضطـــرين يمشـــو وراااهـ
سيــــدوو مكمــــل شغـــل الدوريــــآآت وهوا يشووف كل واحد نايم بغـــرفتو ولا مارجع اخر الليل... ويصحـــيهم للفطوور .. اتعــود كداا يســـوي
مايـــحب الخـــدم يصحــوهم وعارفـــهم شغل المنبهااات ماتـــمشي مـــعااهم
رآح لغــــرفه نـــزار والخــدآمــه كالعاده تمشي ورااهـ ..دوبــو بيــفتح البـــآب إلا سمـــع صوووت الموسيـــقااا من قبل لايفتــــح الباب
مايقدر يصحيـــهم من غيـــر تهزيــئ ..فتح الباب : الناس يصحـــو يستغفروو وانتاا تصبح على اغانيـــك
نـــزار كآن لابــــس تيشيرت ســآدهـ وشورت اســـود وعلى الـ Treadmill " السيـــر " رياضه لازم في الصبـــآح : ليا ساعتين صااحي
جدو واقف عند الباب ويكـــلموو : الفطور بعـــد نص سااعه
نزار بطـــفش وهوا يجـــري على الــسير ويزيد السرعـــه: حفظنا خلاص المواعيــــد
جــدو مره مايحب شغل الرقـــص والهبل حق نزار كدا مايتخاطب كتيـــر معااهـ :مابى تأخيــــر
خـــرج من الــغرفــــه وخلل يــدهـ وســــط شعـــرهـ الأبيـــــض بتــعب : الله يصـــبرني عليـــهم
مشــــي بخــطوآت هـــــآديــــه لغـــــرفـــة مـــــآزن ..فتـــح الباب مقفـــل " يكره احد يقفل غرفتـــه بالمفتاح " دق الباب بعصبيـــه : ماااااااازن .. ماااااااازن
مـــآزن فتـــح عيـــنه على صوت سيـــدو قـــلب جسسمه للجهه التانيه باإنزعاج ..حسس باأحد جمبـــه بس بتعب رجع غمـــض عيـــنه
لــكن استـــوعب شيين
1_ صوت سيدوو
2_ بنت ناايمه جمبــو
فتـــح عييينه بسسرعه ودف اللحااف من عليييه ..البت اتحركت بنعــومه على السرير لما حســـت ببرودهـ
صووت سيدوو يدق الباب : مااااازن
كرره اسسمو في دي اللحظه من سيدو قال بخوف وهوا مو فاكر اسمهاا اخدها من البار امس معاه وهوا سكراان: هييي _ حط يدو على كتفــها وهوا يحركها بهمممس _ هيييي قوومي
فتحت عيـــنهاا وقالت بكل دلع ممزوجه بصوتها النايم : هاا بيبي
سيـــدو حس انو مازن كعاادته جااايب مصيبـــــه : مااااااااازن افتتتح البااااب مااازن لاتخليني اكسسره على راااسك
مازن قام من على السرير والبنت جلست مفجووعه وهيا تعدل شعرهاا : مييين هيدا
مازن على جسمو بس بوكســـر اشرلها باإرتبباك : ادخلي تحت السرير ولا شوفييلللك مكاان بسسرعه
البنت قاامت مفجوووعه ..مافي مكاان تحت السرير عشان تدخل ..مسكت الستاره الطويله واندست وراها
مازن اخد الجينز من الأرض ولبسسسسه وبعدها اتوجـــه بسسرعه للباب وفتـــحه وابتسم ابتسامه صفرا لسيدو : صباح الخيـــر
سيدو بشك : ليش مقفل الباب
مازن يحك شعره وهوا يتثاااوب : مدري والله ماحسيت بنفسي وانا اقفلو
سيــدو دف الباب بالعصااايـــه : وخررر
ماازن بعد وخلى سيدو والخادمه يدخللو وهوا يدعي (( يااارب مايشوفها )) هوا الوحيد من اخــوآنه ماعنده شغله وسيدو يصررف علييه يعني لو اي مصيبه ممكن يعيش اسبوع حرمان من غير فلوس
سيدو دخل الغرفه وهوا مضيق على عينه ويتفحـــص الغــــرفـــه ...دخل ماازن ورااه ...وانتبـــه البرا حق البنت على السرير ..قرب من السرير ورما اللحاف علييه من غير ماينتبه سيــدو
سيدوو وجه كلامو للخادمه ...يكره تكون الستاير مسندلــــه على الطيـــق يحـــب اشعـــة الشمس هيا تنوور الغرفه في دا الوقت : افتحي الستاااير
مازن دموو نشششف جااا بسسرعه عند الستااارهـ : انا حفتحهاا بلاشي تتعبي نفسسك _ وضحك ضحكه واحد مسوي مصيبــــه _
سحب الستاايـــر كلها لجـــهه البـــنت ..وابتسسم لسيدوو وهوا يعيد الإسطوانه : الفطور بعد نص سااعه _ طالع في ساعه_ قصدي بعد ثلث ساعه _ وابتســـم باإرتباااك _
سيدوو حااسس انو في حـــآجه بس مو لاقـــي شي ..اتفحــص الغرفه مره تانيـــه بنظراااتـــه ورجع خـــرج من الغـــرفه
وهنا مـــآزن زفـــر بـــرآآحــــه ..قفل باب الغـــرفه وخرجت البنت ورى الستاره : هيدا ميين
مازن جلس على السرير واخد التلون ودق الرقم _ 2 _ : سيدي يعني ميين
البنت : وانا فكرت هيدا الئصر لاإلك
مازن شممق في وجهها مو ناقصها ..ردت عليه الشغاله إللي دايما تتستر على مصايبه : كاتيييا تعاليلي الغـــرفـــه بسسسسسرعه
: حااضر مستر مازن
ولا خمسسه دقايق إلا دقت الباب ودخـــلت ..مازن دخلها وقفل الباب وهنا هيا انفجعت : what ?
مازن اشرلها على البنت إللي واقفه بكل ثــقه ورا السرير : دبريلها طلعه من البيت بدون سيدي مايشوفها
كاتيا استحت من لبــس البنت نزلت عينها في الأرض : حاضـــر مســتر
فـــي غـــرفة الطـــعـــآم الــكبيـــرهـ ..سيدهـــم جـــآلس في مقدمــه الطـــآولــــه والــخــآدمه واقفـــه ورآآه بلبســـها الأسود الــقصير وعليــه مريله بيـــضــآ
دخــل واحد من التوأم وهنا الخـــآدمه ماتفرق بيــنهم في الصبــآح لأنو لبســـهم زي بــعض تيشيرتاات وشورتات في الصبـــآح
ماافي أي إختــــلاف حتى الأجـــساام متشابهيين في الطول والعـــرض اي احـــد يشووفهم يقول : سبحاان الله على الشـــبه ..
الخادمه بشك : صباح الخـــير مسستر نزار
: صباح النور انا يزن
الخادمه اتوقعت تتلخبطت : سوري مستر يزن
جـــلس على الكـــرسي ..ودخل بعدها نـــزار
الخـــآدمـــه : صبااح الخــير مستر مازن
نـــزار :انا نزاار
الخــآدمه وجهها حمـــر وسكــتت
ابتــسمت لما دخــل اخر واااحد فيييهم وهييا عارفه خلاص ميـــن..ابتسسسمت : صبااح الخيــر مسستر مازن
يزن كشــر وهوا وقف : انا يزن
وهنا مازن ضحك وهوا جالسسس علـ كرسييي لخببط الشغاله : انا مازن
سيــدو طالع فييـــه بنــص عيييين
مازن رفع كتفــه : كنت بمزح معاها
الخــآددمه انقــهرت دايما مازن يسوي فييها دي الحركه كل ماكلمتو قلها انا يزن ولا نزااار .. ماحتحدد بعد اليييوم اسااامي ..
الــخآدمه صبــت لـــنزار ومااازن عصـــير بـــرتقـــآل ..وجاات لعند يـــزن صبتـــلو في كــآستـــه حليـــب
يزن بقرف : ماحبببب الحلليب كم مرره اقووولكم
سيــــدوو باأمر : حتشربو غصباا عنننك
يزن : ايش العيششه دي كل شي بالقوووه هنااا
سيدوو : الدكتور قال كل صبـــآح تشــرب حليـــب
يزن بتفاهم بس بنبره عاليه : وحموووت يعني لو ماشـــربتـــو سيدي لاتحسسني إني بزره
مازن يكلمو كأنه صغير : اشرب ياحبيبي
يزن طالع في مازن : انكتتم
نزاار : مو شرط تشرب حليب في اشياء تانيه تقوي مناعة الجسم
يزن : انا ادري عن سيدك خلص يعنــي كل شي جايبلي حليب على صباح ربنا
سيدو مايحــب احد يــعارضـــو ياياخد يايهدد : بكرا عندك تصوير صح ؟
يزن كششر مايدري ايش دخل دا في دا : ليش ؟
سيدو : ياتشرب ياحتفاهم معاهم والغي التصــوير
يزن عصـــب يكره احد يتكلم معاه بدي الطريـــقه ..دف الكـــرسي وقـــآم وهوا معصـــب من سيدوو مـــرهـ : بالعــــآفيــــه
خـــرج من غــــرفه الطـــعام وسيــــدو ولا أهتـــــم كمل فطـــورهـ
امـــــآ نزااار ومــــــــــآزن ..اخوهم اتنـــكد = همـــآ اتنــكدوو
مازن كان مااسك كاسه العصـــير رجعها على الطاوله وقام : الحمدالله
نزار رجع الخبــز إللي كان بيـــدوو وقام : سفره دايمه
خـــرج كل وآحـــد ورى الـــتـــآني ... واحد معصـــب من سيـــدو إللي بس يهدد على ابســـط شي والتانين اتنـــكدوو عشاان اخوهـــم معصـــب ...
مشـــآعرهم دايما مترآبـــطه يفهمـــو بعـــض من غيـــر كلام تكفـــي نــظراتــــهم ..
الخــآدمـــه طالعت في اخر واحد خرج نزاار ووجهت كلامها للجد : اوديلهم فطورهم لـ
قاطعـــها لما رفـــع يدهـ : إللي مايفطر هنا مـــآله فطــور ...
كــل وآحـــد اتـــوجـــه لغـــرفتــــو لبــس ملابســـه وخــــرج لعمـــله إلا مــازن نام وسحب على الجامعه
♀♂
الســـآعـــه 4 العـــصـــر ..رآجـــــــع من الجـــآمعــه وهوا هلـــكآن (( متى يمووت بس واورث كل حاااجه ))
تفـــكيرهـ محصـــور على دا الشـــي ... مايهتم إدا مات ابـــوه ولا لأ
دخــل البيـــت ولسى المسأله إللي حلها فــي الإختبـــآر برآســــه ..يحس إنــــو نااسي شــي فيـــها
مـــآشي وهوا عـــقله في عـــآلـــــم تــــــــآني ...قطع تفـــكيره صوت ابوه الجهوري : اسااامه
اسامه طالع فيــه وهوا يدعي عليــه في قلبـــه : ايوا ؟
ابـــوهـ لابــــس ثـــوب ومتأنتك علـ أخير : تعال معايا المطاار
اسامه دوبو راجع من الجامعه وقبلها مانام من المزآكـــرهـ : ليش ؟
ابوهـ : بنت عمـــك حتــجي
اسامه مايعرف اعمامه عشان يعرف بزورتـــهم : طيب ؟
ابوه افتكــر : اووه انا نسيــت ماقولك
اسامه رفع حاجبـــه : تقولي ايش؟
ابوهـ : بنت عمك حتدرس هنا انا متكفل بكل شي عشان كدا جبتها علـ بيت تسكن معايا
اسامه مفجوع : وانا ؟ كيف تسكن في البيت وانا هنا
ابوه : غرفكم بعيده عن بعضهاا واتوقع البيت كبيـــر
اسامه : بس تقدر تاخدلها شقه وتسكنها فيها صعبه تسكن في البيت وانا في اهلها مايفكرو دوول
ابــوه عصب : ايش قصدددك اخواني بدون عقققل ولا ايش
اسامه (( وراثه )) : لا طببعا لاتفهمني غلللط بس مايسير
ابوهـ : البيت داا بيتــها بعد اليـــوم انتا الطلــآلع وهيا الداخله وبعدين دي حتكون زي اختـــك
اسامه مره ماقتنع بكلام ابــــوه وحس إنها مصخره لو جاات تسكن معاهم ..بس كالعاده التسلييك اساس نجاح علاقته مع ابوووه : طيب خلاص إللي تشوفو بس روح لوحدك انا
ابوه قاطعه وهـــوا يصر على كلامه : السيارهـ براا _ ومشي _
اسامه فهمـــو يعني حتجي غصباا عنـــك رمى شنـــطتـــه على الكنبـــه ومشي وراا ابــــوهـ وهوا يدعي من كل قلبــــه (( الله يفـــكني منـــــو ))
ركــــب السيــــآرهـ واتـــوجهــــــــو للمـــطـــآآآر ..اســـآمــــه متكـــي في ركننيـــة الكـــرسي وعيـــنه كل شوويا تغفـــى
غمــض وماصحــى إلا على صوت ابوووه إللي يفجعو دايما : اسااامه وصلناااا
اسامه فتـــح عيـــنه مفــجووع : ها اووك
عيــــنه محمــــرهـ من كتر مافييه نـــــوم .. خرج من السيــــآرهـ وعيـــون البـــنآت اغلبـــها عليـــه يمشي وهوا نفسسسو يترمي في اي مكااان ويكمـــل نــــومه
وقفـــو وهما مستنـــينـــها ..مايدري فيين واقف يمشي ورا ابــــوهـ وبـــــس ...
انتبـــهت لعمـــها وابـــتسمت رااحت باإتجاهه وهيا تأشرلــه بكل حمـــآس ... لابســـه جيـــنز وبلـــوزه ورديــــه اكمــآمها طوويله وحجابها السكــري مغطي شعــرها
جا باإتجاهها وسلم عليها وهيا باست راااســـه : كيفك ياعمي
: تمام الحمدالله على السلامه
: الله يســـلمك
ابوهـ دار على ورى ونادى اساامه : اسااامه
اساامه جا لحد ابوه وانتبه للبنت كشـــر : الحمدالله على السلامه
انفجــعت راما ابتسمت بتردد : الله يسسلمك
اسامه اتثاااوب وهوا يطالع في لوحـــه مواعيد الرحلات ...
اببو اسامه : دا ولدي اسامه اعتبريه زي اخووكي
راما الشي الوحيـــد إللي خلاها تعرف إنو ولـــدو اسمـــو
ولا حسبـــتو واحد مو عـــربي من عيــونو الزرقـــآآ وملامــحوو ..افتكرت امو الإيطالــيــــه " اهاااااا عشششان كداا مالت علييه ولا طالع فيـــا عدل "
اخدوو شنطتـــها واتـــوجهو للسياره وهيا لأول مره في حيااتها تســـآفر وتحكـــي لعمها ايش شاافت بكل حماااس
اما هوا فـــي السيـــآرهـ راااســـو صــدع من صــــــوتها بس تهرج تهرج ,,اتكى علـ باب وحط يدو على جبيـــنو وهوا مغطي عينـــه ...وناااااااااااام
جالسسه في السيـــآره ومتعجبـــه من شكــلها من جـــوا ..كبيــــرهـ بشكككل مغــــري
ابتسمتلو باإحراج : والله إللي بتسسويه كتتتير معانا بس
قاطعها : انتي عارفه انا وابوكي لنا فتره مانهرج وانا الغلطان وعارفه اخويا لايمكن ياخد مني ولا فلسس فدا اقل شي اسوويه اني ادخلك في نفس جامعه اسامه
طالعت في اساامه إللي باين الإرهااق في وجهه كل شويا تسترق النــــظر (( حكون انا ودا الشكل في نفس البيت ! )) :تسسلم عممي
وقــــفت السيـــآرهـ فجأهـ واساامه فتح عيـــنو مفـــجوع وبعدهاا رجـــع غمضـــهاا وهوا مكششر ..اما هييييا دابــــــــت على طووووول ((الله يساامحك يابابا فين جايبني ))
عـــآيشـــه فـــي جـــدهـ ..بس مره مالها في الإختلاط إلا مع اولاد خالاتهاا وقت الكبــــآين والــهبل .. واولاد خالـــتهاا جمب اســــآمه ولا حــــــــــــآجــــــه
رفعت البي بي وهيا تكتب لصحبـــتها " ابى ارجع جدهـ "
صحبتهاا ردت عليها " وي ايش بك ؟ "
راما " هنيدا لو تششووفي اسامه ترا انا كدا ماحنتبه للدراسه تعالو رجعووني مستعده اجلس في البيت بدون دراسه والله "
هنيدا " ههههههههههههههههه صوريلي هوا بسسسرعه "
راما " ماااقدر وي عمي جمبـــي بسسس شي حماااس تراااا لو يدري مراد بسس "
هنيدا " ههههههههههههههه سيبيكي من مرااادك داا وخليكي في الاهم تراكي عايشه معاه في البيت "
راما " حسبتو صغـــير "
هنيداا " وابوكي كيف واافق اصلا "
راما "علمي علمك ياشيخه انتي عارفه انا مادريت إلأا قبل اسبوع بابا قلي لو تبي تدرسي روحي عند عمك "
هنيدا " احسن من جلستك في البيت "
راما " ايوا والله 3 سنوات جالســـه شي يتعب النفسيه "
هنيدا " داا الصبـــر شوووفي فين ودااكي "
راما " بيوديني بمصيبه يختي "
هنيدا " اقوولك صفي النيــــه "
اما اســـآمه مره انــزعج من صوووت البي بي وهوا يطنطن كل شـــويا ...طالع في ابوووه إللي معاه جوالـــه ومنشـــغل ورجع طالع في رامـــــآ: ممكن تحطيه سايلنت
راما كانت مبتســـمه وتطالع بالجوال رفعت عينها له وهيا تاشر على نفسسهاا بشك: بتكلمني !
اسامه طالع وراها وهيا لاإرادياا برضو طالعت وراها للطاقـــه ورجعت طالعت فيـــه
وهوا هنا بملامح جدا جاده قلهاا : ايوا انتي
حست نفسسسها غبيـــــه دوبها استوعبت حركتو لما طالع وراها شي طيعي بيكلمهاا يعني بيكلم مييين غيرهاا ..وجهها حمـــر : ايش قلت ؟
اسامه باأمر وبطريقه استفزازيه : اكتمي إللي في يدك
على طول نزلت نــظرها للجوال وهيا تــحطو "quiet " وماتبى ترفـــع عينها من على الجوووال منحرجه منـــو ..رجعت تهرج مع صحبتها
ورسلتلها فيســـــآآآت تبكــــي
هنيدا : ايش بك ؟؟؟!
راما " هنيدا ابى ارججججع "
هنيدا بقة صبـــر " ياااااااابتي لاتحسسيني إنو مره فتااك دحيين ومو قادره تنزلي عينك من علييه بلاشي غبااء "
راما " لاااا مو علللى كداااا مو قادره احكيكي هنا لما اوصصصصل اكلمك "
وقفـــت السيــــآرهـ قبـــآل القــــصـــر ..واســـآمه على طوول نــــــزل ..راما خـــرجـــت بعـــــــدهـ وهيا تطـــــــآلع في المكــــــــــآن بكل إعجــــآب " ماشالله "
ابــــوها يحكيــــها عن عمــــها دايما بس مــــــآتوقعت كـــــدآآ .. دخلت القـــصر وهيا تطالع في كل مكـــــآن
الـــثريـــــآت التــــي تنـــاسب فــخـــامة الأســقـــف وزايدتـــها جــمــــال
الأثـــــــــــآت الفــــآخــــر
والـــستــآئـــر المجتمـــعه علـ جانبــين
عــــــــــآلــــم آخــــر ...عمـــها جمبـــها ومبــــتسم : اعتبريـــه خلاص بيــــتك
نادى الشغالـــــه : ميييري
ميري جات : ايواا استاز
اشر على بنت اخوه : دي من بعد الييوم وحده من اهل البيـــت وديها لغرفتهاا واحرصي انو كل حاجه تجيها لعندها
ميري : حااضر
اماا راماا بتطيـــر من الـــفرح ..حببـــت المكــــــــآن مشيت ورا الشغاله وراسها رايح يمين ويســــآر (( والله اضيـــع فييييه ..يبالي اقنص غرفه داا اسااامه ))
دخـــلتها احد الممرآت وكآنت فيــه غرفـــتين قبـــآل بعــــــض .. وقفت في بدايـــه الممر الشغاله واشرت على اليمين : دي غرفت نوومك _ اشرت على اليسـآر _ ودي غرفه جلوسك
راما ابتسسسمت بحماااااااس ( وااااااااا فللللله )
توجهت لغرفهتها وفتحت الباب وهيا بتفكــر في حجات كتيــرهـ .. لكــن لولها .. كل شي طارر عن بالها وفكها طاح من قوه الانبهاررر وماقدرت تمنع الشهقه انها تطلع
خطت بشويش علي السراميكـ البيج الي بيلمع وبصوت مسموع : واااا
قلبت عيونها علي ارجاء الغرررفه الي ديكورها كلاسيكـي ويعكس الفخامه بكل معانيهااا
الجدران مطليه بالبيج وشويا من درجات الدهــبي الرايق .. و الستايررر البيج معالنقوشات الخفيفه محلي منظر الشباكــ
السرريرر كبيرر وفخم والحاف الي علي تطريزات يدويه زايدو فخامه .. النجفات الفخمــه الي متدليه من السقف ونورها معبي المكان ومعطي لمحه جنونيه
الشغاله انسحبـــت بهدوووء ونزلت تجيب اغرآضـــهاا
اما رااماااا راااحت جري لللســـرير ورمت نفســـها عليييييه ..غمضت عيـــنها وهياا تحـــس نفسســـها دخلللت وسط السرير من كتر ماهو مـــــــــريح
حركـــت وجهها بنعووومه على اللحـــــآف واتنهدت بكل راااااحـــــــــــه ...انسدحت على ظهرها وهيا تفكر بصوت مسموع زي عادتـــهاا
: اخدلي كدااا حمـــــآآم واناااااااااااااام _ جلست وفكت حجابها_ ودا اساامه الييم دبي والدراسه والشغل كلو بكفه وهوا بكفه لوحدهاا
انـــدق باب الغـــرفه
راما : ادخل
الشغاله دخـــلت وحطت الشنط على الأرض : دحين حيجوو يرتبولك هييا
راما قامت من على السرير وهيا تنزل بلوزتها: لا لا انا حرتبـــهاا
ميري المسؤله عن البيـــت : اووك مسز راما الفطور الســـآعه 8 الصباااح والغدآ اول ماترجعو من الجــآمعه والعشـــآ الساعه 11
راما تنحت قالت بشك : ولازم اكون موجوده؟
ميري : اكيييد
راما : طيب لو مشغوله ؟
ميري : تسيبي شغلك وتنزلي
راما انفجـــعت ولساتها تستعبط : ولو مو جيعانه
ميري تجاوب على اسئلتها ولو لبكرا ماعندها مانع : تجلسي معاهم من باب الزوق
راما انصدمت من ردها ابتسمت ابتسامه صفرا : في شي تاني ؟
ميري رصتلها قوانين البيـــت : اي حفلـــه يعملها مستر سامح في البيت تكوني موجوده فيـــها وكل خميس من بدايه الشهر يتجمعو صحبات مستر اسامه ومايحب اي احد يختلط فييهم
راما : صحبات ؟
ميري : ايوا مسز شادن والين وروديناا ومستر يزن ونزار ومازن مايحب مستر اسامه احد يكون موجود لما يجـــو
راما : يعني انطق في غرفتي
ميري عدلتلها الجمله : تجلسي في غرفتك
راما حست ميري مطوله جلست على السرير وحطت رجل على رجل : إيييوا ؟
ميري كمــلت : مستر سامح مايحب احد يتصل عليـــه وقت موعد عمله
راما (( لا كماان حتحددلي وقت عمله ))
ميري : عملو من الساعه 5 لساعه 10
راما (( الله يصبرني )) : اييوا ايش كمااان ؟
ميري :اي شي محتــآجته وتبيه دقي على رقم 3
راما (( دي حبيتها )) : ايييوا ؟
ميري : حاليا ماعندك سواق خاص فاحتستدخمي سواق مستر اسامه
راما (( ومين قال ابى اطلع ؟ )) : خلصتي ؟
ميري :وداا امر من مستر سامح خصيصا لكي من بعد الساعه 10 الليل مافي اي خـــرجه
راما : اها ملابسي كمان حتتشرطو فيها ؟
ميري الكلام إللي يعجبها ترد عليه والكلام إللي مايعجبها ماترد وتسوي نفسها ماسمعتو : اي شي تاني حجي اقولك عليـــه
راما : اووك
ميري خرجت وسابت راما لوحـــدها تففكر بكلامهاا : والله حووووســــــــه ايش هوااا داا
أتصلت على اهـــلها وبعـــــدها استـــحمت ونــــــــآآمت ليــن الساعه 9 ..قامت صـــــلت ورتبت اغرآضـــها في المكــــــــآن وسارت تصور لأختها وهنيدهـ .
ع ســـآعه 11 ببتـــمــآم ميري دقت باب الغرفـــه وبعدها دخـــلت : مدام راما العشا جاهز
راما جالسه في الأرض وقدامها شنطتـــها حق الســفر قفلــتها وحطتها على السرير : اووك ..
كآنت حتخرج إلا ميري وقفت قبال الباب : مسز راما مايسسر تخرجي من غرفتك بلبس النوم
راما طالعت في نفسسها بشـــك بجاامه بتلبسها دايما في بيتهاا ولزيزهـ مافيهاا شي : مايسير ؟
ميري : إيواا
راما ابتسمتلها وهيا نفسسها تعطيها كف بدي اللحظه : خلاص طيب حغير وانزل
ميري : انا برا استناكي عشان اوديكي لغرفه الطعام
راما : طيب
قفلت ميري الباب وراما موولعـــه اتوجهت للدولاب وهيا تكلم نفسسسسها : اووووف شكلي ماحاخد رااحتي حتى في البيييت ايش القرف دااا
أخدتـــلها جينـــز آسووود وبـــلوزه بيـــضا مكتوب عليها بالأسود العريض i <3 my self
طالعت في نفسها بالمرايه وهيا تعدل شـــعرهاا وبعدها حطت حجابها الابيض على شعرها .. و خرجت لميـــري ..واتــوجهـــو لـــغرفه الطـــعآآم
كـــــــآنو مستنيـــنها واول مادخلت ابــتسملها عمـــهاا ..ا ما اسامه طالع فييها اول مادخلت وبعدها شال نظره عنها بقلة اهتمام
ميري اشرتلها على الكـــرسي إللي قبـــآل اسامه ..وجلسسست
عمــها : غرفتك مرتاحه فيها ؟
راما ابتســـمتــلو : اييوا تسسلم
عمها : لو محتاجه اي شــي اطلبي
راما ضحكت عاد مافي زيهاا لاتستحي ولا حـــــآجه :ماحستحي منك ياعمو
عمها : كوويس
بدأوو ياكلـــو بكل هدووء ..وهيا ميتـــه جووع ومضـــطره تاااكل بشــــــويــــــش زي مابيـــآكلوو ..اسامه لقمتيـــن وشبـــع : الحمدالله
راما انفجعت ماأكل شي (( فين عنكم اخواني يوروكم الأكل من جددد )) ..قام اساامه وخرج من الـــغرفه
وبقـــيت راما وعمــــهاا .. . خلـــصت اكلها من غيـــر لاتـــشيع .. ورجعت لغـــرفتــــهاا
رآماا عمرها 20 سنــــه
دمـــها خفـــيف وتحب تهـــرج كتيــــر وتضــحك اكتـــر .. لما تعصـــب ولا تتنرفز من شي تهرج بصوووت مسموووع ..
بعض الأحيان ماتحس على كلامها وتصرفاتها إلا بعد ماتسويها وبعدين تندم .. حيــــويه ومرحــــه
♀♂
يـــدخل المفـــتآآح ويدهـ تررررجــــف مو قادددر يفتتتتح الباب بعد 3 محـــآولات فتـــح الباب .. ودمــــوعه في عيـــــنه
دخل بدون مايقفل الباب وهوا ينااادي باأعلى صوتـــه : اثييييير
زوجتـــه استقبلته وانفجعت لما شافت زوجها يبـــــكي : عثمان ايش بك
مسسسح دمووعه بيــــده المجعده بخطوط الـــزمن : فينها اثييير
عقدت حاجبها وهيا خاايفه : في غرفتها عثمان ساااير حااجه ؟
ولده جااا وانفجع لماا شااف ابووه بدي الحاله : ابوووياا ايش فيي
اتــــــوجه لغــرفــــة بنتـــو وزوجتـــه وولدهـ وراااه ويبو يــعرفو ايش ســــاير ..
فــــــتح باب الـــــغـــرفه ووقف عند الباب لما شااف بنتـــو جالســــه على كرسيـــها المتــــحرك شعـــرها البنـــي الغاامق مفتــــوح وتـــرمش عيونـــهاا بكـــل هدووء
مشي بخطووات ثقـــيله باإتجاااههها ودمووعه ماتوقفـــت عن النـــزول .. جـــثى على ركبـــته وحط يده على ركبــــتها
حطت يدها على يده وعرفتــو على طوول وابتسمت : بابا
ماارد عليــها اكتـــفى باإنو يطـــآلع في عيـــنها العـــســليـــه الوسيــــعه ..مــــو مصـــدق الخبـــر إللي سمــــعـــــوو
رفـــعت بدهاا على وجههو ولمست خشــموو ورجعت مسكت خدوو وانفجعت لما حسسست بدمووعـــه رفعت يدها التانيه وهيا تمسح دموعـــه قالت بكل خووف : بابا ايش بك
مسك يدها إللي تمسح دموعـــه وباســها : اثيرر حتسوي دا الإسبوووع العمليييه
عبدالله واقف عند الباب : بللله ؟
ابو اثير طالع في عبدالله واشـــر برااسه وهوا مبـــسووط : إيووا
اثيير مو مصدقه قالت بشششك : بابا يعني حسير اشوف ؟
ابو اثير ضحك : اييوا ياابنتي حتشوفيناا وحتشوفي كل شي
اثير نزلت دمووعهاا وشدت على يد ابووها ونظرات عينها على سقف الغرفه : بابا من جدددك بتهررج
ابوها وووقف وقومها من على الكرسسي وحضننـــهاا : عمري كزبت عليييكي
تهرج وهيا تبــكي بصووت مسمووع ممزوج بششك : يعني حسير اشوف
ابوووها يطمنـــهاا : ايوا اثير حتشوفي
بعدت عن حضــن ابوها وهيا حاطه يده على صدره : بابا لاتكزب علييا
ابوها نزلت دمـــوعه اكتتتتتر يحقلهاا ماتصـــدق .. باااس راســـهاا : والله مااابكزب
رجـــعت لـــحضن ابـــوها تبـــكي بشـــهقـــآت مع الفـــــرح ..اما مرت ابـــوها بكل جمووود : حسبت في شي
وخــــــرجت من الـــــغرفــــه بلا مبآلاهـ ...
♀♂
فـــي احد الطبـــقات المتووسطـــه ..وبتحــــديد في احـــد الآحيـــاء الراقيـــه..فـــله فخمـــه وتميـــل للبســآطــه
دآخـــل غرفـــتهاا .. منسدحـــه على بطنهاا ع سريـر وحاطه جوالها على ادنـــهاا وتتكلم زي عادتها بكل تصطنع وغرور : عارفه هنيدااا ههههههههههههههه وربي ساامجه مره متخلفه
عرين: ليش ايش بها ؟
بااستغراب : وي ماتدري ؟
عرين : لا ايش في ؟
: فاكره لما كنا بالمتوسط كانت تقول انا ماحتزوج الا دكتور امس اتقدملها واحد وقالتلي وافقت
عرين : واا الله يتمملها على خير؟
: ياابتي اللي اتقدملهاا ممرض
عرين : يلا الله يوفقها
: هههههههههههههههههه على ممرض ؟ انتي سامعتني ياهبله
عرين : طيب ايش فيي الله يوفقها ياستي
: مع نفسسسهاا وربي لو امووت ماتزوج واحد كداا وبعدين عندوو ولدين من مرتو الاولى قال ايشش تقولي ولد ناس وطيب
عرين : وانتي ايش دراكي يمكن طيب من جد
بدون اهتمام : محد يدور دي الايام الطيب المظهر اهم شي وبعدين ايش حيقولو عنها الناس متزوجه واحد متزوج قبلها ولا كماان عندو ولديين والمصيبه _ بكل وقااحه ممزوجه بضحككه _ ممرض ههههههههههه
عرين ماحبت اسلوب صحبتها : لانااا تراها صحببتك وبعدين
لانا قاطعتهاا بعصبيه : كم مرره اقوولك لاتقوليلي لانا
عرين : اووكي لنووش ارتحتي
لانا برضى : ايوا كدا .. عرين انا ابى اخررررج لابسه لييا نص سااعه حروح الفلف كدااا وبعدييـــن امر عليكي
عرين : ماليا نفس اخرج
لانا باإسلوب غصيبه : قلت شويا حمر عليكي باي _ قفلت من غير ماتسمع ردهـــآ _
قامت من على سريـــرها وهيا لابســه تنورهـ قصيــره لفووق ركبــتهاا ..اخدت شنطتــها وخرررجت من غــرفتــها قابلت امها بطريقــها : لنووش يلا الغداا
لانا :كلو ماليا نفسس
امها : حبيبتي مايسير كلنا بنااكل
لانا : اووه ياماما مره ازعاااج صرااحه عيااالك فوضويين
امها : اخوااانك دوول
لانا تحررك شعرها بغرور : بنسبه ليكي داا ..ايوا صح ابى فلووس
امها تعبت منهاا بس ماسارت تهرج : انتي عارفه كيف اوضاعناا دحيين ماعندي شي اعطيكي هوا
لانا بكل وقاحه : ماما ترا نفسيتي تعبانه من الجامعه لاتجيبي سيره اوضااع البيت انا مااالي في دا الشي ومحد قال لبابا يشتغل في شركه معفنه زي دي الناس سارو يفتحو شركاات ولساتو بابا مكانه
امها : لانا استحي على وجه
لانا قاطعتها : اوووه من جد انتو ماتحسسسو في الواحد انا اكررر طوول وقتي بالجاامعه وكماان ارجع البيت تهزيئ ايش هوااا داا انتي ماتشوفو كيف العالللم عايشه وانا زي الهبله ماخرج إلأا بكم الف
امها : نعممه ياابتي على اياااامناا ماكان دا كلوو فيي .
لانا : ماما افهمممي العالم اتغيـــر لاتقاريننا باأيااام زمااان صحبااتي كل يوم وحده مساافره مكاان
امها : مو خليتك تساافري في الاجازه
لانا رفعت شنطتها على كتفهااا : ايوا ماسكتلي على ديك السفره وزالتني عليها
امهاا بتعب وهيا تتغاضى عن الفاظ بنتها : دحييين تعاالي اتغدي معانا
لانا حركت يدها بلا مبالاه : اتغددوو ماحجي _ ومشييييت _
امهاا اتنهدت بضيق وهيا تشووف بنتها تمشي قااالت بصوت عاالي : تنوورتك قصيررره على الاقل غيريـــهاا
لانــآ ولا من مجيـــب مشيتت بدوون اي اهتـــمـــآم وخـــرجت وهيا كالعاده تبى تلفت انظاار الشباب ...
(( لانـــآ عمرها 22 مغرووره ومصطنعـــه في كل تصرفاتها كل اللي يهمها كلام الناس المظهر اهم من كل شـــي ..
هيا اكبر وحده بالعيله عنندهاا 4 اخووان
لما عمرهاا 11 شهر
ليناا عمرهاا 5 سنوات
لياان عمرها 9 سنوات
لؤي عمره 12 سنوات ... ماتعرف ولا شــي عنهم ولاتهتم اصلا بوجودهـــم ..حياتها كلها تدور حوليها وبـــس ))